2 Chronicles 26
Judah Kumpi Uzziah
1Tua ciangin Judah mi khempeuh in kum sawm le guk a pha Uzziah, ▼▼26.1 Azariah zong kici hi.
a pa Amaziah kumpi za a luahsak uh hi. 2Amah in Amaziah a pate tawh a khawlkhawm nungin Elah lam kik-a Judah a ngeina a bangsakpa ahi hi. 3 Uzziah kumpi a suahin kum sawm le guk pha a, Jerusalem ah kum sawmnga le nih sung a uk hi. A nu min Jecoliah hi-a Jerusalem pan ahi hi. 4A pa Amaziah hihsa bang tektekin TOPA muhna-ah a maanin a gamta hi. 5Ama tungah Pasian kihtak ▼▼26.5 Hebrew khutgelh tampi, Septuagint le Syriac; Hebrew khutgelh dangte ah mangmu
ding lam a lakpa Zechariah nuntak sung teng Pasian a zong hi. TOPA a zon laiteng Pasian in a lawhcingsak hi. 6 Amah Philistia-te do dingin kuan-a Gath, Jabneh le Ashdod kulhte a phelkek gawp hi. Tua ciangin amah in Ashdod kianga khuapite le Philistia-te lak-ate khempeuh a lampha hi. 7Pasian in Philistia-te pan le Gur Baal a tengte pan le Meunim-te panin amah a huh hi. 8Ammon-te in Uzziah tungah siah pia uh a, amah vanglian mahmah ahi manin a minliatna Egypt gamgi dongah a kizel hi. c 9 Uzziah in Jerusalem sunga Kiukawi Kongpi, KuamKongpi le kulh kawinate ah tausangte dawh a tuate kulhin a um hi. 10Amah in mualbulte le zangleite ah ganhon tampitak nei ahi manin sehnel-gam ah tausangte dawh in tuikhuk tampi a to hi. Amah in lei hoih iplah ahi manin mual kawm le lei hoihna gamte ah lote le lenggui lote ah nasem mi a nei hi. d 11 Uzziah in limtaka kisinsa galkap nei a, tuate thuvanpipa Jeiel le kumpi ulian khat ahi Hananiah ukna nuai-a om ulian khat ahi Maaseiah in a kaihkhop amau phazah tawh kizui-a kikhen galkuan thei ding ahi uh hi. 12Galdo thei mite a uk innkuan makaite a vekpi in 2,600 a pha hi. 13Amaute ukna nuai-ah galdo dinga kisinsa, kumpipa langkhata galte a dopih ding, a hat a vanglian mi 307,500 ahi hi. 14Uzziah in a galkapte khempeuh lumte, teipite, siklukhute, sikphawte, thalte le suang veite a guan hi. 15Amah in Jerusalem a tausang tung le kulh kiu tungah gal nan nadingin thaltangte le suang lianpite lot nading khut siamte geel set a bawl hi. Amah a vangliat dong nasiatakin kihuh ahi manin a nai a gamla ah a minliatna a kizel hi. e 16 Ahi hangin Uzziah a vangliat khit ciangin a kiphatsakna in kiamsukna a tun hi. TOPA ama Pasian tungah muanhuai lo-a, TOPA biakinnpi sunga gimnamtui halna tau tungah gimnamtui hal dingin a sungah a tum hi. 17Siampi Azariah le a thahat lai TOPA siampi adang sawmgiat in a sungah zui uh hi. 18Amaute in, “Uzziah aw, TOPA tunga gimnamtui hal ding nang adingin maan lo hi. Tua pen gimnamtui hal dinga ki-apsa Aaron suan siampite hih ding ahi hi. Nang na muanhuai kei hi, tua ahi manin biakbuk panin paikhia in; TOPA, Pasian in nang hong pahtawi lo ding hi,” ci-in a maitangsalh uh hi. 19 Gimnamtui hal dinga kithawi a khutah gimnamtui halna a tawi Uzziah a heh hi. TOPA biakinnpi sunga gimnamtui halna biakna-tau mai-a om siampite tunga a heh laitakin a taltangah phak ▼▼26.19 Hebrew kammal ah phak cihna bek hi loin vun natna peuhmah genna ahi hi, tg. 20, 21 le 23 ah zong
natna a suakkhia hi. 20Siampi makaipa Azariah le siampi dangte khempeuh in amah en uh a amaute in a taltang a phak lam a mu uh hi, tua ciangin amaute in manlangin a hawlkhia uh hi. Hi takpi hi, TOPA in amah thuaksiasak ahi manin amahmah a paikhia nuampah hi. g 21 Kumpi Uzziah in a sih dong phak natna a vei hi. Amah inn ▼▼26.21 Ahikeh ama nasep a kisepsak lohna inn khat ah
tuam ah teng a - a phakna hangin TOPA biakinnpi panin a kitang koih hi. A tapa Jotham in kumpi inn uk a, gam mite a uk hi. 22 Uzziah uk sunga a sep dangte a kipatna pan a tawpna dong Amoz tapa kamsangpa Isaiah in a ciamteh hi. 23Uzziah a pate tawh tawlnga khawm a mite in, “Amah phak hi,” ci uh ahi manin amaute kiang kumpite tawh kisai lopaang a han ah kivui hi. Tuateh a tapa Jotham in a kumpi za luah a kumpi a suak hi. i
Copyright information for
ZomZIV